Ամերիկայի միացյալ նահագների Մինեսոտա նահանգի Սենթ Քլաուդ քաղաքում ոստիկանությունը բերման է ենթարկել բանկում մոտ 8 ժամ աշխատակիցներին պատանդառած անձին, հաղորդել է NBC հեռուստաընկերությունը:
Ոստիկանությունը շենք է ներխուժել այն բանից հետո, երբ չարագործը երկարատև բանակցություններից հետո բաց էր թողել բոլոր պատանդներին:
Հարձակվողը, որը գործել է միայնակ, ձերբակալվել է: Միջադեպի հետևանքով ոչ ոք չի տուժել:
Ավելի վաղ Fox News-ը հաղորդել էր, որ ԱՄՆ Մինեսոտա նահանգի Սենթ Քլաուդում անհայտ անձինք փորձել են կողոպտել Wells Fargo բանկը, արդյունքում մի քանի հոգի հայտնվել է պատանդառության մեջ: