Ավստրալիայի հարավ-արևելյան Նոր Հարավային Ուելսում տեղատարափ անձրևից առաջացած ուժեղ ջրհեղեղների պատճառով իրենց տները լքել է մոտ 18 հազար մարդ, հայտարարել է նահանգի վարչապետ Գլեդիս Բերեջիկլյանը:
Ըստ նահագնապետի՝ հորդառատ անձրևները կշարունակվեն: Բերեջիկլյանը հորդորել է տեղի բնակիչներին զգույշ լինել: Ընդհանուր առմամբ՝ 38 տարածք ճանաչվել է աղետի գոտի: Դա նշանակում է, որ այնտեղի բնակիչները կկարողանան ֆինանսական օգնություն ստանալ:
