Ավստրիայում խանութներ մուտք գործելու համար, հաճախորդը պետք է ներկայացնի կորոնավիրուսի թեստի բացասական պատասխանի թեստ: Նոր կարգը կգործի ապրիլի 7-ից, հայտարարել է այդ երկրի առողջապահության նախարար Ռուդոլֆ Անշոբերը:
Նա հայտարարել է Զատկի տոների կապակցությամբ ապրիլի 1-ից 6-ը Վիեննայում, Ներքին Ավստրիայում և Բուրգենլանդում կարանտինի ուժեղացման մասին:
Անշոբերի խոսքով՝ բոլոր մանրածախ կետերը այցելելու համար անհրաժեշտ կլինի COVID-19 թեստ, բացառությամբ կենսական նշանակության կետերի՝ դեղատներ և մթերային խանութներ: Ներկայումս թեստը պահանջվում է ծառայության ոլորտի կազմակերպություն մուտք գործելու համար, որտեղ շփվում են հաճախորդի հետ:
Ապրիլի 1-ից 6-ը երկրի արևելքում գտնվող երեք մարզերում կարանտինը կխստացվի`անկայուն համաճարակաբանական իրավիճակի պատճառով: Վիեննայում, Ներքին Ավստրիայում և Բուրգենլանդում փակ կլինեն մարմնի խնամքի օբյեկտները, ոչ պարենային խանութները և առևտրի կենտրոնները:
Նաև պարտադիր է դառնում փողոցի մարդաշատ վայրերում դիմակների պարտադիր կրումը և Չեխիայի ու Հունգարիայի սահմանների վերահսկողությունը:
