Աֆղանստանի նախագահ Աշրաֆ Ղանին երկրում արտահերթ ընտրությունների անցկացմանը կողմ է: Նա ընդգծել է իր պատրաստակամությունը փոխանցել իշխանությունն ընտրված իրավահաջորդին: Այս մասին նա հայտարարել է Տաջիկստանում անցկացվող «Ասիայի սիրտ» գագաթնաժողովում:
«Ամենամեծ պատիվը կլինի իշխանության փոխանցումն ընտրած իմ իրավահաջորդին», – ասել է Ղանին:
Գագաթնաժողովը տեղի է ունենում ԱՄՆ-ի և այլ պետությունների կողմից խաղաղ գործընթացը վերականգնելու փորձերի ֆոնին` նոր անցումային կառավարության ստեղծման վրա: Սակայն Ղանին դեմ է այդ առաջարկին, նա հայտարարել է, որ ընտրությունները պետք է տեղի ունենան նախքան իր պաշտոնը լքելը: