Ամերիկայի միացյալ նահագների 12 նահանգ կլիմայի մասին հրամանագրի պատճառով դատի են տվել նախագահ Բայդենին։
ԱՄՆ 12 նահանգի իշխանությունները Ջո Բայդենին պահանջում են դատել հանրային առողջությունն ու շրջակա միջավայրը պաշտպանելու համար ստորագրած հրամանագրի պատճառով: Այս մասին հայտնում է Fox News-ը:
Նշվում է, որ Միսուրիի գլխավոր դատախազի ներկայացրած հայցին միացել են Արկանզաս, Արիզոնա, Ինդիանա, Կանզաս, Մոնտանա, Նեբրասկա, Օհայո, Օկլահոմա, Հարավային Կարոլինա, Թենեսի և Յուտա նահանգների գլխավոր դատախազները:
Նրանց կարծիքով՝ պետության ղեկավարի հրամանագիրը խախտում է իշխանությունների տարանջատման սկզբունքը, քանի որ այն ընդլայնում է դաշնային կարգավորիչների լիազորությունները: Դա կարող է լուրջ վնաս հասցնել տնտեսությանը:
Ջո Բայդենի հրամանագիրը երաշխավորում է ԱՄՆ դաշնային իշխանությունների իրավունքը հաստատել ջերմոցային գազերի սոցիալական ծախսերի թվերը, որոնց հիման վրա դաշնային կարգավորիչները կարող են փոխել և նոր դրույթներ մտցնել:
Դատարան դիմած նահանգները վստահ են, որ դա թույլ կտա դաշնային կարգավորող մարմիններին «միջամտել ամերիկյան կյանքի բոլոր ասպեկտներին՝ սկսած իրենց մեքենաներից մինչև սառնարաններ և տներ, սննդի և էլեկտրականության վճարներ»
