ԱԺ «Հայաստան» խմբակցության պատգամավոր Վահե Հակոբյանը խորհրդարանում լրագրողների հետ ճեպազրույցում անդրադարձել է Գորիս-Կապան ճանապարհին ստեղծված իրավիճակին։
«Ադրբեջանական կողմը լկտիանում է ու Որոտանի կողքը՝ հենց անմիջապես ճանապարհի վրա ոստիկանական հենակետ են դրել և համաձյան իմ ստացած տեղեկության՝ կանգնեցնում են իրանական բեռնատարներին, մեքենաներին ստիպում են պետտուրք ասեմ, մաքսատուրք ասեմ, ինչ-որ գումար են գանձում և դրանից հետո թողնում են, որ նրանք շարունակեն ճանապարհը դեպի Երևան։ Դուք արդեն պատկերացնում եք, չէ՞, որ ադրբեջանական կողմը ցանկացած պահի կարող է կտրել Կապանը։ Իսկ ԱԱԾ-ն Որոտանն անվանեց ադրբեջանական անունով, սա ի՞նչ է նշանակում, որ մեզ կամաց-կամաց սովորեցնում են, որ դա ադրբեջանական տարա՞ծք է։ Իսկ Սև լճի տարածքում արդեն ադրբեջանցի զինծառայողները պատրաստվում են ձմեռվան։ Իրենք այնտեղ հիմնական կառույցներ են կառուցում»,- ասել է Վահե Հակոբյանը։ Ըստ նրա բոլոր խնդիրների լուծումը Նիկոլ Փաշինյանի անհապաղ հեռացումն է։
