Իսրայելում հայկական համայնքի ներկայացուցիչներն այդ երկրի իշխանություններից պահանջել են դադարեցնել Ադրբեջանի բռնապետական ռեժիմին զենքի մատակարարումը: Իսրայելում հայկական համայնքի միությունը բողոքի ակցիա է կազմակերպել ընդդեմ Elbit Systems պաշտպանական էլեկտրոնիկայի միջազգային ընկերության, որի արտադրած զենքը մատակարարվում է Ադրբեջանին:
Արցախի պատերազմի ժամանակ Ադրբեջանն օգտագործել է իսրայելական արտադրության սպառազինություն:
Այսօր Իսրայելի ռազմարդյունաբերության ղեկավարությունը Ադրբեջանի հետ բանակցություններ է վարում ևս մեկ ռազմական գործարք կնքելու ուղղությամբ, հետևաբար՝ Իսրայելի հայկական համայնքը չի կարող անտարբեր կեցվածք ընդունել: