Ադրբեջանի արտգործնախարար Ջեյհուն Բայրամովը Իսլամական համագործակցության կազմակերպության գլխավոր քարտուղար Յուսեֆ բին Ահմեդ ալ-Ուսայմինի հետ համատեղ մամուլի ասուլիսի ժամանակ ասել է, որ գերիների հարցը լուծված է։
«Ադրբեջանը մի երկիր է, որը պատասխանատվություն է կրում իր ստանձնած պարտավորությունների համար: Նոյեմբերի վերջին, համաձայն եռակողմ հայտարարության, Ադրբեջանը Հայաստանին է հանձնել շուրջ 70 ռազմագերիներ »,- ասել է նա:
Բայրամովի խոսքով հայկական կողմը փորձում է եռակողմ հայտարարության խախտումը արդարացնել բանտարկյալների մասին շահարկումներով։
«Ադրբեջանում գտնվողները ռազմագերիներ չեն, նրանք ռազմական գործողությունների ավարտից հետո մուտք են գործել հանրապետության տարածք», – ասել է նա:
Հիշեցնենք, որ ավելի վաղ տեղեկություն էր տարածվել, որ այսօր Բաքվից վերադարձվելու է գերիների հերթական խումբը։ Գերիների հարազատները հավաքվել էին «Էրեբունի» օդանավակայանի տարածքում՝ դիմավորելու Բաքվից ժամանող օդանավը։Սակայն ավելի ուշ Տիգրան Ավինյանի գրաաենյակը հայտարարւոթյուն տարածեց նշելով, որ գերիների վերադարձի հարցը կրկին հետաձգվում է։