Գերծանր քաշային կարգում Հայաստանը նվաճեց արծաթե եւ բրոնզե մեդալներ

Մոսկվայում ավարտվեց ծանրամարտի Եվրոպայի առաջնությունը: Մրցումային վերջին օրը հարթակ դուրս եկան գերծանր քաշային ծանրորդները:

Տղամարդկանց գերծանր քաշային կարգում Հայաստանի հավաքականը ներկայացնում էին Օլիմպիական խաղերի արծաթե մեդալակիր Գոռ Մինասյանն ու երիտասարդների աշխարհի հաղթող Վարազդատ Լալայանը: Պայքարը հիմնականում ընթացավ մեր ծանրորդների եւ Վրաստանը ներկայացնող ծանրորդ՝ Լաշա Տալախաձեի միջև:

Երկամարտի արդյունքում Գոռ Մինասյանը նվաճեց արծաթե, իսկ Վարազդատ Լալայանը արծաթե մեդալ։

Ոսկե մեդալը նվաճեց Վրաստանի ներկայացուցիչ, Օլիմպիական խաղերի չեմպիոն, աշխարհի ու Եվրոպայի քառակի չեմպիոն Լաշա Տալախաձեն։

Ծանրամարտի Եվրոպայի առաջնությունում Հայաստանի հավաքականը երկամարտի արդյունքներով մեդալային հաշվարկում 3-րդ հորիզոնականն է զբաղեցրել։ Հայ ծանրորդներն 8 մեդալ են նվաճել՝ 2 ոսկե, 2 արծաթե և 4 բրոնզե։

Հայաստանի հավաքականի կազմում ոսկե մեդալ են նվաճել Կարեն Ավագյանը (89 կգ) և Սամվել Գասպարյանը (102 կգ), Արսեն Մարտիրոսյանը և Գոռ Մինասյանը նվաճել են արծաթե մեդալ, իսկ Անդրանիկ Կարապետյանը (89 կգ), Հակոբ Մկրտչյանը (96 կգ), Լիանա Գյուրջյանն (81 կգ) ու Վարազդատ Լալայանն արժանացել են բրոնզե մեդալների:

Եվրոպայի առաջնությունը վարկանիշային է Տոկիոյի Օլիմպիական խաղերի համար:

Թողնել պատասխան

Ձեր էլ-փոստի հասցեն չի հրապարակվելու։

Previous Article

Օդի ջերմաստիճանն էապես չի փոխվի

Next Article

Մխիթարյանը վերադարձավ խաղադաշտ

Related Posts
Դիտել

Արգելվում է ՌԴ-ից 10.000 ԱՄՆ դոլարը գերազանցող կանխիկ արտարժույթի արտահանումը

Պետական եկամուտների կոմիտեն տեղեկացնում է, որ «Հատուկ տնտեսական միջոցառումների և հարկադրված միջոցառումների մասին» Ռուսաստանի Դաշնության 2006 թվականի դեկտեմբերի 30-ի…
Դիտել

Պաշտպանության բանակը հերքում է Ադրբեջանի ՊՆ տարածած հաղորդագրությունը

Ադրբեջանի պաշտպանության նախարարության տարածած հաղորդագրությունը, թե իբր օգոստոսի 13-ին՝ ժամը 02:30-ի սահմաններում Արցախի Հանրապետության ՊԲ ստորաբաժանումները հրաձգային զինատեսակներից…
Դիտել

ՊՆ-ն հերքում է

Հայաստանյան լրատվամիջոցներից մեկը տեղեկություն է տարածում, թե իբր «Սյունիքում ռազմական վերջին գործողությունների ժամանակ մայորից բարձր կոչում ունեցող զինվորականներին…
Total
1
Share