Հուլիսի 21-ին, ժամը 18։42-ի սահմաններում Երևանի Բագրևանդ թաղամասի մոտակայքում հողային աշխատանքներ իրականացնելիս հայտնաբերված հրետանու ականը տեղափոխվել է անվտանգ տարածք՝ հետագա վնասազերծման։
Այս մասին տեղեկացնում է ՀՀ ԱԻ նախարարությունը;
Ավելի վաղ տեղեկացրել էինք, որ Ճգնաժամային կառավարման ազգային կենտրոն ահազանգ էր ստացվել, որ Երևանի Բագրևանդ թաղամասի մոտակայքում քաղաքացիները հողային աշխատանքներ իրականացնելիս հայտնաբերել են հրետանու արկ:
Դեպքի վայր էին մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական ջոկատը:
