Թուրքիան ոչ իրավական է համարում Հայոց ցեղասպանությունը ճանաչած ԱՄՆ նախագահ Ջո Բայդենի խոսքերը: Այս մասին հայտարարել է Թուրքիայի առաջնորդ Թայիփ Էրդողանը, գրում է ՏԱՍՍ-ը հղում անելով տեղական հեռուստատեսությանը:
«ԱՄՆ նախագահ Բայդենն ավելի վաղ հայտարարություն էր արել: Սրանք ոչ իրավական բառեր են, որոնք հակասում են պատմությանը: Նրանք մեզ վշտացրել են», – ասել է Էրդողանը:
ԱՄՆ նախագահ Ջո Բայդենը պաշտոնապես ճանաչել է Օսմանյան կայսրությունում 20-րդ դարի սկզբին տեղի ունեցած Հայոց ցեղասպանությունը: Դրանից առաջ ԱՄՆ 23 նահանգ ճանաչել էին հայ ժողովրդի ցեղասպանության փաստը: