Կենսաթոշակի 10 տոկոս բարձրացում, բայց այլ մեխանիզմով

Կենսաթոշակառուների կողմից իրենց բանկային քարտերով արվող առևտրի նկատմամբ կկիրառվի զեղչերի համակարգ, կառավարության նիստում ասաց վարչապետ Նիկոլ Փաշինյանը։ Հարցը մանրամասն կքննարկվի կառավարության հաջորդ նիստում։

«Անընդհատ կառավարության օրակարգում է մեր վարած սոցիալական քաղաքականության արդյունավետության բարձրացման հարցը։ Մենք որոշակի ռազմավարական պատկերացումներ ունենք, որը կապված է նաև այլ ռազմավարությունների հետ։ Դուք տեղյակ եք, որ արդեն այս տարվանից մենք կենսաթոշակների անկախիկ վճարման ծավալներն ընդլայնել ենք և առաջիկայում ներդնելու ենք հետևյալ համակարգը, որ հանրապետության բոլոր կենսաթոշակառուների կողմից բանկային քարտերով արվող առևտրի նկատմամբ պետք է կիրառենք զեղչերի համակարգ։ Այսինքն՝ եթե թոշակառուն առևտուրն իրականացնում է բանկային քարտի միջոցով, մենք ուզում ենք զեղչերի համակարգ ներդնել, որն ունի կարևոր մի քանի նշանակություն։ Առաջինը՝ զուտ սոցիալական նշանակությունն է, երկրորդը՝ կանխիկի շրջանառության կրճատումը, և երրորդը՝ այդ առևտրի, այդ գործարքների տվյալների վերլուծության արդյունքում կկարողանանք առավել արդյունավետ դարձնել մեր սոցիալական քաղաքականությունը»,- ասաց Փաշինյանը։

Նրա խոսքով՝ սա պետության ու մասնավորի գործակցության կարևոր օրինակ է, որովհետև, օրինակ, մինչև 10 տոկոս զեղչերը կհամաֆինանսավորվեն կառավարության, բանկային համակարգի և մասնավորի կողմից։ «Մենք բանակցում ենք տարբեր ընկերությունների հետ՝ այս ծրագրում ներգրավելու համար, բայց ենթադրում եմ, որ ոչ բոլոր ընկերություններն են տեղյակ, որ այսպիսի պրոցես է տեղի ունենում։ Ես հիմա բարձրաձայնում եմ, որ այսպիսի նախագիծ կա, և հույս ունեմ, որ այն ընկերությունները, որոնց մենք հասցեական չենք դիմել, իրենք էլ նախաձեռնություն կցուցաբերեն ու աշխատանքի և սոցիալական հարցերի նախարարության հետ կաշխատեն։ Այդ ընկերությունների իմիջի համար դա շատ կարևոր նշանակություն կունենա, որովհետև այսպիսով նրանք սոցիալական պատասխանատվություն կվերցնեն իրենց վրա։ Եթե կարճ ձևակերպեմ, հետևյալի մասին է՝ թոշակառուն թոշակն ստանում է քարտով, եթե ինքը նաև առևտուր է անում քարտով, որոշակի զեղչ կստանա, ավտոմատ զեղչեր կամ հետվճարային համակարգ է կիրառվելու»,- նշեց Նիկոլ Փաշինյանը։

Նոր կարգը նախատեսվում է կիրառել հունիսի կեսերից։ Ըստ վարչապետի, նշանակում է կենսաթոշակի 10 տոկոս բարձրացում, բայց այլ մեխանիզմով։

Թողնել պատասխան

Ձեր էլ-փոստի հասցեն չի հրապարակվելու։

Previous Article

Բագրատաշենի կամրջի կառուցման աշխատանքներն ավարտական փուլում են

Next Article

Սիսիանի հատվածից մինչև Տաթև նոր ճանապարհ կունենանք. Գնել Սանոսյան

Related Posts
Դիտել

Ազգային ժողովը ռազմագերիների մասին հայտարարություն է ընդունել

Հայաստանի խորհրդարանը 120 կողմ, առանց դեմ և ձեռնպահ ձայների ընդունեց «Ադրբեջանի վերահսկողության ներքո գտնվող ռազմագերիների և գերեվարված քաղաքացիական…
Դիտել

ՄԱԿ-ը շարունակում է մնալ ՀՀ կառավարության և հայ ժողովրդի հաստատուն գործընկերը. Շոմբի Շարփի

Հայաստանում ՄԱԿ-ի մշտական համակարգող Շոմբի Շարփի շնորհավորական ուղերձը՝ Հայաստանի անկախության օրվա առիթով «ՄԱԿ-ի ամբողջ թիմի անունից և որպես…
Դիտել

ՀՀ ԶՈՒ-ն Նախիջևանի ուղղությամբ կրակ չեն բացել.ՊՆ

Հայաստանի ՊՆ-ն տեղեկացնում է, որ Ադրբեջանի պաշտպանության նախարարության հայտարարությունը՝ իբր հայկական կողմից արձակված կրակոցից ադրբեջանցի զինծառայողի վիրավորվելու վերաբերյալ,…
Total
0
Share