Հանդիպումն անիրագործելի է․ Նախագահի աշխատակազմ

Հանրապետության նախագահի աշխատակազմը հայտարարություն է տարածել, կապված քաղաքական ուժերին արված հանդիպման առաջարկի հետ։

Հաշվի առնելով, որ մարտի 13-ին Հանրապետության նախագահի նստավայր հանդիպման հրավիրվածներից «Իմ քայլը» եւ «Լուսավոր Հայաստան» խորհրդարանական խմբակցություններն ընդունել են հրավերը, «Բարգավաճ Հայաստան» խորհրդարանական խմբակցությունը եւ Հայրենիքի փրկության շարժումը հանդիպման համար առաջարկել են իրենց օրակարգն ու պայմաններ ներկայացրել, այս պահին մեկ սեղանի շուրջ հանդիպման ձեւաչափը դառնում է անիրագործելի:

Նախագահ Արմեն Սարգսյանը շարունակելու է իր ջանքերը եւ պատրաստ է առանձին հանդիպումներ ունենալ ինչպես հրավիրվածների, այնպես էլ Ազգային ժողովի խմբակցություններում չընդգրկված պատգամավորների եւ արտախորհրդարանական տարբեր քաղաքական ուժերի ներկայացուցիչների հետ:

Այդ հանդիպումները հնարավորություն կտան եւս մեկ անգամ լսել բոլորի տեսակետները, ավելի հստակեցնել դիրքորոշումները եւ դրանց հիման վրա ձեւավորել աշխատանքային օրակարգ:

Հանրապետության նախագահը վերահաստատում է իր այն համոզմունքը, որ տարաձայնությունների կարգավորման միակ ուղին բանակցություններն ու երկխոսությունն են, եւ պետք է անել ամեն ինչ` երկիրը զերծ պահելու ցնցումներից։

Թողնել պատասխան

Ձեր էլ-փոստի հասցեն չի հրապարակվելու։

Previous Article

Սահմանափակումներ չեն լինի․ Առողջապահության նախարարություն

Next Article

Արցախը կօգնի Հայաստանին․ Վիտալի Բալասանյան

Related Posts
Դիտել

ՀՀ ԱԳՆ հայտարարությունը դրական եմ գնահատում. Դենիս Ավտոնոմով (տեսանյութ)

Հայաստանում Ուկրաինայի գործերի ժամանակավոր հավատարմատար Դենիս Ավտոնոմովն այսօր մեկնաբանել է ՀՀ ԱԳՆ մամուլի խոսնակ Վահան Հունանյանի հայտարարությունը: ԱԳՆ…
Դիտել

Հայաստանը և Հնդկաստանն ընդլայնում են գործակցությունը

Հայաստանը և Հնդկաստանն ընդլայնում են գործակցությունը տարբեր ոլորտներում, երկու երկրների արտգործնախարարները մի շարք ոլորտներում շոշափելի և արդյունավետ ծրագրերի…
Total
6
Share