Ճապոնիայում օլիմպիական կրակի փոխանցումավազքը մեկնարկել է այսօր և այն անցնում է ճապոնական Ֆուկուսիմա մարզով: Մարզական գլխավոր արարողակարգն անցկացվում է խիստ վերահսկողության ներքո` կորոնավիրուսի համավարակի նոր բռնկում չառաջացնելու համար: Ամեն մի ջահակրի ապահով հեռավորության վրա ուղեկցում է մոտ 10 աշխատակից, ինչպես նաև մեկ ոստիկան:
Օլիմպիական կրակի փոխանցումավազքը կտևի 121 օր։ Օլիմպիական ջահը կանցնի Ճապոնիայի մարզերով եւ և կբերվի Տոկիոյի Օիմպիական մարզադաշտ, որտեղ կկայանա օլիմպիական խաղերի բացման պաշտոնական արարողությունը: Փոխանցումավազքին կմասնակցի մոտ 10 հազար մարդ:
«Ես ուզում եմ, որ օլիմպիական կրակը հույսի լույս վառի ամբողջ Ճապոնիայում եւ այն բարեհաջող հասնի Տոկիոյի մարզադաշտ»,- ասել է Տոկիոյի Օլիմպիական և Պարալիմպիկ խաղերի կազմկոմիտեի ղեկավար Սեյկո Հաշիմոտոն
2020 թվականի մարտի 24-ին հայտնի դարձավ, որ Տոկիոյի 32-րդ ամառային Օլիմպիական խաղերը հետաձգվել են: Դրանք կմեկնարկեն 2021 թվականիհուլիսի 23-ին և կեզրափակվեն օգոստոսի 8-ին: