Մինեսոտայում ցուցարարները պահանջում են պատժել աֆրոամերիկացուն սպանած ոստիկանին
Մինեապոլիսի Բրուքլին Սենթեր քաղաքում պարետային ժամ է, սակայն արդեն երկրորդ օրն է, ինչ ոստիկանի կողմից աֆրոամերիկացի Դանթե Ռայթի սպանությունից հետո շարունակվում են իրավապահների և ցուցարարների միջև բախումները, հայտնում է CBS հեռուստաալիքը:
Մինեսոտայի ազգային գվարդիայի մի քանի հարյուր անդամ է մասնակցում քաղաքում կարգուկանոնի պահպանմանը:
Իրավապահները ցուցարարներին ցրելու համար օգտագործում են արցունքաբեր գազ և լուսաձայնային նռնակներ: Մեծ թվով մարդիկ հավաքվել են տեղի ոստիկանության բաժանմունքի շենքի շուրջ և պահանջում, որ պատասխանատուները պատասխանատվության ենթարկվեն:
26-ամյա ոստիկանը շփոթել է ատրճանակն էլեկտրոշոկերի հետ և կրակել սևամորթ Ռայթի վրա, որը ձերբակալման ժամանակ փախել է իրավապահներից: Հաղորդվել է, որ ոստիկանությունը կանգնեցրել է մեքենան ճանապարհային երթևեկության խախտման համար: Ստուգման ընթացքում պարզվել է, որ վարորդին ձերբակալելու մասին հրաման է տրվել: Ռայթի մահը բողոքի ցույցերի պատճառ է դարձել:
