Նախատեսվում է Մոն Դը Մարսանում անցկացնել հայկական մշակույթի փառատոն

Գյումրի համայնքի ղեկավարի առաջին տեղակալ Ռուբեն Սանոյանն այսօր` սեպտեմբերի 10-ին, ընդունել է Ֆրանսիայի Մոն դը Մարսան քաղաքից ժամանած պատվիրակությանը՝ գլխավորությամբ Մոն Դը Մարսանի քաղաքապետ Շառլ Դայոյի։ Այս մասին տեղեկացնում են Գյումրու քաղաքապետարանից։

Ռուբեն Սանոյանը ողջունել է հյուրերի այցը Գյումրի, ապա նրանց ներկայացրել Գյումրին իր պատմությամբ, մշակույթով և սպորտով, խոսել տարբեր ոլորտներում Գյումրու ունեցած ներուժի մասին:

Շառլ Դայոն իր խոսքում շնորհակալություն է հայտնել ընդունելության համար, կիսվել քաղաքից ստացած տպավորություններով, ապա անդրադարձել իրենց նախաձեռնությանը, որի շրջանակներում նախատեսում են Մոն Դը Մարսանում անցկացնել հայկական մշակույթի փառատոն` համագործակցելով Ֆրանսիայում բնակվող և ծագումով հայ արվեստագետների հետ:

Հանդիպման ընթացքում կողմերը խոսել են նաև Մոն դը Մարսանի և Գյումրու միջև քույր քաղաքների հուշագիր ստորագրելու, դրա ընթացակարգերի, անհրաժեշտ աշխատանքների մասին: Կողմերը պատրաստակամություն են հայտնել գործակցության և քույր քաղաքների հուշագրի ստորագրման նախաձեռնությունը հնարավորինս կարճ ժամկետներում կյանքի կոչելու:

Հանդիպումից հետո հյուրերը եղել են նաև Գյումրու պատմության թանգարանում, ծանոթացել ներկայացված ցուցանմուշներին, ապա շրջել քաղաքում, եղել են նաեւ Սեւ Բերդում։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Previous Article

Եռամսյա վարժական հավաքների մասնակիցներն այսօր մեկնել են մարտական դիրքեր

Next Article

Հաստատվել է կորոնավիրուսային հիվանդության 731 նոր դեպք

Related Posts
Դիտել

Թռչկանի ջրվեժի բնական հուշարձանի շրջակայքում տեղադրվել են տարածքը չաղտոտելու մա

ՀՀ բնապահպանության և ընդերքի տեսչական մարմին/EPMIB-ը տեղական ինքնակառավարման մարմինների հետ համատեղ Թռչկանի ջրվեժի հարակից տարածքի աղտոտման և աղբահանության…
Total
0
Share