Շիրակի մարզում նորակառույց սպանդանոց է բացվել

Շիրակի մարզի Անի համայնքում այսօր տեղի է ունեցել նորակառույց սպանդանոցի բացման արարողությունը։ Այս մասին տեղեկացնում են Շիրակի մարզպետարանից։

Կառավարության հետ գործակցության արդյունքում «Ֆրանս» ՍՊԸ –ն իրականացրել է 150մլն դրամի ներդրում, սարքավորումները ձեռք են բերվել Հայաստանի Հանրապետությունում ագրոպարենային ոլորտի սարքավորումների ֆինանսական վարձակալության լիզինգի պետական աջակցության ծրագրով՝ Իտալիայից:
Մարզպետին ներկայացվել է սպանդանոցի տեխնիկական զինվածությունը, աշխատանքային պայմանները, հզորությունը, հեռանկարային անելիքները։


Սպանդանոցը զբաղեցնում է 1.2 հա տարածք, շինության մակերեսը 650 քառակուսի մետր է և ունի բոլոր անհրաժեշտ սառնարանային սարքավորումները մսի պահպանության համար: Ըստ հերթափոխում իրականացվող մորթի քանակության կամ սպանդային միավորի համարվում է միջինը 30-300 սպանդային միավոր հզորության( 30 խոշոր և 300 մանր եղջերավոր):


«Կարծում եմ, որ այս տարածաշրջանի համար շատ կարևոր ծրագրի մեկնարկ ենք տալիս, բոլոր նախադրյալները կան, որ այս հաջողված փորձը կիրառվի նաև այլ տարածաշրջաններում։ Այսօր մենք ականատես եղանք, թե ինչպես հետևողական աշխատանքը, ինչու չէ, նաև նվիրումը կարողացել են տալ արդյունք։ Պետք է ընդգծեմ, որ դեպի քաղաքակիրթ աշխարհ ևս մեկ քայլ կատարեցինք, գործընթացն արդեն ավելի անվտանգ կլինի»,- բացման արարողության ժամանակ նշել է Շիրակի մարզպետ Նազելի Բաղդասարյանը։

Մարզում ընթացքի մեջ են ևս 3 սպանդանոցի կառուման աշխատանքներ։

Թողնել պատասխան

Ձեր էլ-փոստի հասցեն չի հրապարակվելու։

Previous Article

Մեղադրական դատավճիռ՝ ԱԺ արտահերթ ընտրություններին ընտրակաշառք տալու փորձի գործով

Next Article

ՀՀ նախագահն ընդունել է 44-օրյա պատերազմում զոհված զինծառայողների ծնողների խմբին

Related Posts
Total
1
Share