Ուկրաինայում լիովին ջախջախվեց ռուսական բանակի միֆը

Պատերազմի հինգ ամիսների ընթացքում Ուկրաինայում լիովին ջախջախվեց ռուսական բանակի` որպես աշխարհում երկրորդ բանակի մասին միֆը։ Այս մասին այսօր հրավիրած ասուլիսում ասաց Հայաստանում Ուկրաինայի գործերի ժամանակավոր հավատարմատար Դենիս Ավտոնոմովը։

Նա թվարկեց անհաջողությունները, որոնք Ռուսաստանն ունեցել է Ուկրաինայում։ Ըստ նրա՝ Կիևի գրավման և երկրի ղեկավարությանը պաշտոնանկ անելու արագ պլանը տապալվեց։ Հակառակորդի ուժերը շատ ուղղություններում չեն կարողացել լուծել իրենց առաջ դրված խնդիրը։ Արդյունքում՝ ՌԴ օկուպացիոն զորքերը ստիպված եղան նահանջել Կիևի, Չեռնիգովի և Սումիի մարզերից։ Խարկովի համար կռվում ևս ռուսական օկուպացիոն զորքը պարտվել է և ստիպված նահանջել։

«Ձախողում երկրորդ՝ ՌԴ բանակին չի հաջողվել հասնել օդային գերազանցության։ Ձախողում երրորդ՝ Սև ծովում ևս առավելության հասնել չի կարողացել՝ խորտակվել են մի քանի խոշոր նավեր։ Ձախողում չորրորդ՝ Զմեինի կղզուց փախուստը նրանք բարի կամքի դրսևորում որակեցին՝ քողարկելով իրենց անկարողությունը: Ձախողում հինգերորդ՝ ռուսական բանակը պարտվել է Խարկովի դեմ մարտերում, կրել է կատաստրոֆիկ կորուստներ՝ չկարողացավ շրջափակել ուկրաինական զորքերը Դոնբասում։ Պատերազմի հինգ ամիսների ընթացքում Ուկրաինայում լիովին ջախջախվեց աշխարհի երկրորդ բանակի մասին միֆը»,- ասաց Ավտոնոմովը։

Նրա խոսքով՝ Ուկրաինային արևմտյան զենքի մասսայական մատակարարումից հետո ռուսական զինված ուժերի համար իրավիճակը միայն բարդանում է։ Չի իրագործվել ուկրաինական զորքերի նկատմամբ ոչ մի խոշոր շրջափակման օպերացիա։ Ըստ նրա՝ պատերազմը ցույց տվեց, որ ռուսական բանակն ի զորու է հաղթել միայն տասնյակ հազարավոր զինվորականների կյանքով։

Դենիս Ավտոնոմովն անդրադարձավ նաև Ռուսաստանի դինավագիտական ու տնտեսական մեկուսացմանը՝ նշելով, որ պատժամիջոցներն աստիճանաբար սկսել են գործել։

Թողնել պատասխան

Ձեր էլ-փոստի հասցեն չի հրապարակվելու։

Previous Article

Որոշում է ընդունված, որ դատաիրավական համակարգում բարեվարքությունը պետք է ստուգվի. Փաշինյան

Next Article

Սակրավորները վնասազերծել են Խանջյան փողոցի շենքերից մեկի բակում հայտնաբերված նռնակը.ԱԻՆ

Related Posts
Դիտել

Հայկ Մարությանը ներկայացրել է Երևանի Օղակաձև այգու հիմնանորոգված հատվածը (տեսանյութ)

Երևանի քաղաքապետ Հայկ Մարությանը ներկայացրել է Երևանի Օղակաձև զբոսայգու հիմնանորոգված 6-րդ գոտին, որի տարածքում կառուցվել է մայրաքաղաքի առաջին…
Դիտել

ՄՊՀ-ն ուսումնասիրություն է իրականացրել հավի ձվի շրջանառության ոլորտում

ՄՊՀ-ն վարույթ է հարուցել հավի ձվի շրջանառության ոլորտում գործող 5 ընկերության նկատմամբ։ Մրցակցության պաշտպանության հանձնաժողովն ուսումնասիրություն է իրականացրել…
Total
0
Share