Պատվաստված զբոսաշրջիկների մուտքը ԵՄ կարող է թույլատրվել

Եվրամիության անդամ երկրները  Եվրահանձնաժողովից առաջարկ են ստացել՝ մեղմել ԵՄ մուտքի առկա սահմանափակումները զբոսաշրջիկների համար՝ հաշվի առնելով պատվաստումների արշավների առաջընթացը և համաճարակաբանական իրավիճակի զարգացումն ամբողջ աշխարհում, փոխանցում է РИА Новости-ն:

«Հանձնաժողովն առաջարկում է թույլ տալ ԵՄ մուտք գործել բոլոր այն մարդկանց, որոնք ստացել են ԵՄ-ում թույլատրված պատվաստանյութի վերջին առաջարկված չափաբաժինը», -ասվում է Եվրահանձնաժողովի՝ մայիսի 3-ին հրապարակված հայտարարության մեջ:

Անդամ պետությունները կարող են թույլատրել ԵՄ մուտք գործել այն մարդկանց, որոնք ժամանումից առնվազն 14 օր առաջ ստացել են ԵՄ-ում հաստատված պատվաստանյութի առաջարկվող չափաբաժինը:

Պատվաստումների գործընթացից բացառված երեխաները պետք է հնարավորություն ունենան ճանապարհորդել իրենց պատվաստված ծնողների հետ, եթե նրանք ժամանումից առնվազն 72 ժամ առաջ COVID-19-ի թեստի  բացասական պատասխան են ստացել:

Թողնել պատասխան

Ձեր էլ-փոստի հասցեն չի հրապարակվելու։

Previous Article

Նիկոլ Փաշինյանը չընտրվեց վարչապետի պաշտոնում

Next Article

Գերության մեջ հայտնված անձանցից՝ թվով 19-ը, խոշտանգվել ու սպանվել են ադրբեջանական զինծառայողների կողմից

Related Posts
Դիտել

Ադրբեջանը պետք է կատարի դատարանի վճռով իր վրա դրված պարտավորությունը. Արարատ Միրզոյան

ԱԳ նախարար Արարատ Միրզոյանը ԱԺ-կառավարություն հարց ու պատասխանի ժամանակ անդրադարձավ Արցախի պատմամշակութային ժառանգության կեղծման նպատակով Բաքվում հանձնաժողով ստեղծելու…
Total
1
Share