Պատվաստվելու են ռիսկի խմբի անձինք․ Անահիտ Ավանեսյան

Հայաստանում մեկնարկում են կորոնավիրուսային հիվանդության դեմ պատվաստումները։ Այս մասին այսօր հրավիրած ասուլիսում հայտնել է առողջապահության նախարար Անահիտ Ավանեսյանը։ Պատվաստվելու են ռիսկի խմբի անձինք։

Ռիսկի խումբը 65 տարեկանից բարձր տարիքի անձինք են, բուժաշխատողները՝ 55 տարեկանից բարձր, խրոնիկ հիվանդները՝ ևս 55 տարեկանից բարձր, սոցիալական խնամքի կենտրոնների բնակիչներ և աշխատակիցներ՝ 55 տարեկանից բարձր։

«Աստրա Զենեկա պատվաստանյութի օգտագործման ցուցումներում որոշակի փոփոխոություններ են կատարվել։ Եվ լրացուցիչ ապահովության ու անվտանգության համար կիրառվել է տարիքային սահմանափակում։ Մենք ևս մանրակրկիտ ուսումնասիրել ենք բոլոր մասնագիտական կառույցների կողմից տրված եզրակացությունները։ Եվ որոշում կայացրեցինք, որ Աստրա Զենեկայով պատվաստման համար ևս կսաhմանենք տարիքային շեմ՝ 55 տարեկանից կիրականացնենք միայն բարձր քաղաքացիների համար»,- ասաց նախարարը։

Ըստ նախարարի «Սպուտնիկ V» պատվաստանյութի քանակը դեռ սահմանափակ է, այս պահին սահմանվել են պատվաստման համար հետևյալ խմբերը։ Բուժաշխատողներ՝ 18-54 տարեկան անձինք, խրոնիկ հիվանդություն ունեցող անձինք՝ ևս մինչև 54 տարեկան, սոցիալական խնամքի կենտրոնների բնակիչներ և աշխատակիցներ՝ մինչև 55 տարեկան։

«Այս ցուցումները կվերանայվեն ժամանակի ընթացքում, երբ մենք կունենանք Սպուտնիկ V-ի նոր խմբաքանակներ, 65-ից բարձր տարիքի քաղաքացիները ևս կպատվաստվեն Սպուտնիկ V-ով»,- ասաց նախարարը։

Ավանեսյանի խոսաով ավարտական փուլին են հասցվում «Նովովակս» պատվաստանյութի ձեռքբեման աշխատանքները:

Նախարարը նաև տեղեկացրեց, որ Չինաստանի կառավարությունը նախնական համաձայնություն է հայտնել դոնորության շրջանակում Հայաստանին տամադրվելիք պատվաստանյութի մասով: Այն առաջիկայում կլինի Հայստանում:

«Մի շարք տարբերակներ ենք ունենալու, որոնք պետք է օգտագործվեն մեր երկրում», – նշեց առողջապահության նախարարը:

Թողնել պատասխան

Ձեր էլ-փոստի հասցեն չի հրապարակվելու։

Previous Article

Երեկ կատարվել է 3461 թեստավորում

Next Article

2020թ. սեպտեմբերի 27-ից մինչև օրս Արցախի տարածքում հայտնաբերվել եւ ոչնչացվել է 558604 հատ տարբեր տեսակի արկ և զինամթերք

Related Posts
Դիտել

Հայկական ատոմային էլեկտրակայանը 141 օրով կկանգնի

Հայկական ատոմային էլեկտրակայանը կկանգնի մայիսի 15-ից, այս մասին հայտնել է ՀԱԷԿ-ի գլխավոր տնօրեն Մովսես Վարդանյանը: «2021-ին վերանորոգման աշխատանքից…
Total
1
Share