Ռուսաստանի խաղաղապահները շարունակում են վերահսկել հրադադարի ռեժիմի պահպանումը և ապահովել տրանսպորտային միջոցների անվտանգ տեղաշարժն Արցախում, նաև Լաչինի միջանցքի երկայնքով սննդամթերքի և տարբեր ապրանքների տեղափոխումը, փոխանցում է ՌԴ ՊՆ-ն:
2020 թվականի նոյեմբերի 12-ից ռազմական ոստիկանության ստորաբաժանման այդ գործողությունն ամենօրյա է և իրականացվում է եղանակային բոլոր պայմաններում: Նպատակը տեղեկատվություն հավաքելն է, տեղանքների ստուգումը, որոնք դիտակետերից չեն երևում, ինչպես նաև ցույց տալ ռուսական խաղաղապահ զորախմբի առկայությունը:
«Լաչինի միջանցքը ճանապարհ է, որը Ստեփանակերտը կապում է Հայաստանի հետ: Ռուսաստանի խաղաղապահ զորակազմը, համաձայն պայմանավորվածությունների, վերահսկում է ոչ միայն ճանապարհը, այլև դրան մատուցները՝ մինչև 5 կիլոմետր շարավղով», – ասել է ռազմական ոստիկանության ստորաբաժանման սպա, փոխգնդապետ Իվան Կուզմինը:
Պարեկային երթուղիների օրական երկարությունը մոտ 50 կմ է: