ՀԱՊԿ զորախմբի ռուս խաղաղապահների առաջին ստորաբաժանումներն այսօր լքել են Ղազախստանը և ՌԴ օդատիեզերական ուժերի օդանավերով մեկնել են Ռուսաստան։ Այս մասին հինգշաբթի օրը լրագրողներին հայտնել են ՌԴ ՊՆ-ում, փոխանցում է ՏԱՍՍ գործակալությունը:
Ռուսաստանի պաշպանության նախարարությունից հայտնել են, որ Հայաստանի, Բելառուսի և Տաջիկստանի խաղաղապահ զորամիավորումները մշտական տեղակայման վայրեր կհասցվեն ՌԴ օդատիեզերական ուժերի ռազմատրանսպորտային օդանավերով։ Ղրղզստանի խաղաղապահների ստորաբաժանումնները մշտական տեղակայման վայր կհասնեն ցամաքային ճանապարհով:
ՀԱՊԿ Հավաքական անվտանգության խորհրդի 2022 թվականի հունվարի 6-ին ընդունված որոշման համաձայն՝ այս կազմակերպության հավաքական խաղաղապահ ուժերը սահմանափակ ժամկետով ուղարկվել էին Ղազախստան՝ իրավիճակը կարգավորելու համար։ Խմբավորման կազմում ընդգրկված էին Ռուսաստանի, Բելառուսի, Հայաստանի, Տաջիկստանի և Ղրղզստանի զինված ուժերի ստորաբաժանումները։