Ամերիկիայի Ջորջիա նահանգի երեք տարբեր սպա սրահներում հրաձգություն է տեղի ունեցել, ինչի հետևանքով զոհվել է 7 մարդ, վիրավորվել՝ երկուսը, հաղորդում է Fox5 հեռուստաալիքը:
Ըստ աղբյուրի՝ առաջին միջադեպը տեղի է ունեցել Չերոքի շրջանում։ Անհայտ անձը մտել է սպա և կրակ բացել, ինչի հետևանքով երեք մարդ է զոհվել, ևս երկուսը՝ վիրավորվել:
Ավելի ուշ Ատլանտայի ոստիկանությունը հրաձգության մասին կանչ է ստացել մոտակայքում գտնվող երկու Gold Spa-ի և Aroma Therapy Spa-ի ուղղությամբ: Ոստիկանության տվյալով՝ առաջին կենտրոնում հրաձգության հետևանքով սպանվել է երեք կին, իսկ երկրորդում՝ ևս մեկը:
Ինչպես հաղորդում է Fox News-ը, Չերոքիի շերիֆի գրասենյակը հայտնել է, որ 3 հոգու սպանության գործով կասկածյալը ձերբակալվել է։ Նա 21 տարեկան Ռոբերջ Աարոն Լոնգն է։
Ոստիկանությունը նշել է, որ իրենց դեռ հայտնի չէ, արդյոք Լոնգը ներգրավված է նաև միջադեպին Ատլանտայում, որը գտնվում է Չերոքիից 50 կմ հեռավորության վրա։