Պաշտոնական Փարիզը լրջորեն մտահոգված է Հայաստանի և Ադրբեջանի սահմանին աճող միջադեպերով, մասնավորապես՝ հայ զինծառայողների գերևարմամբ, ասվում է երկրի ԱԳՆ ներկայացուցչի հայտարարության մեջ:
«Ֆրանսիան խորը մտահոգություն է հայտնում Հայաստանի և Ադրբեջանի սահմանին աճող միջադեպերի կապակցությամբ: Վերջին նման միջադեպը տեղի է ունեցել մայիսի 26-ի լույս 27-ի գիշերը, երբ ադրբեջանական զորքերը հայ վեց զինծառայողի են գերևարել», – հայտարարել է Ֆրանսիայի ԱԳՆ ներկայացուցիչը ճեպազրույցի ժամանակ:
Փարիզը «կողմերին կոչ է անում առավելագույն զսպվածություն ցուցաբերել և զերծ մնալ ցանկացած սադրանքներից»,- նշել է նա: