Ադրբեջանը թույլ չի տալիս ռուս խաղաղապահներին մոտենալ գազատարին. Արտակ Բեգլարյան

Ադրբեջանը պետք է շտապ դադարեցնի Արցախի խաղաղ բնակչության դեմ ցուցաբերվող սանձարձակ պահվածքը։ Այս մասին նշված է Արցախի պետնախարար Արտակ Բեգլարյանի գրառման մեջ:

«Վերջին օրերին, առիթավորվելով Ուկրաինայի շուրջ աշխարհի ու հատկապես Ռուսաստանի գերզբաղված վիճակից, կտրուկ ավելացել են Ադրբեջանի կողմից Արցախի խաղաղ բնակչության դեմ իրականացվող սադրանքներն ու սպառնալիքները:

1. Տևական ժամանակ կրակոցներով ու այլ միջոցներով խոչընդոտում են առաջնագծին մոտ գտնվող դաշտերում գյուղատնտեսական աշխատանքներին.

2. Մի քանի օր շարունակ մեր բնակավայրերի ուղղությամբ կրակում են նաև մեծ տրամաչափի զենքերից, իսկ երեկ Խրամորթ գյուղում ականանետով վիրավորել են իր տան բակում գյուղատնտեսական աշխատանք կատարող 50-ամյա Սուրեն Բաղրյանին։

3. Մարտի 8-ի գիշերը իրենց վերահսկողության տակ գտնվող տարածքում պայթել է Արցախ մտնող միակ գազատար խողովակը, և մինչև հիմա թույլ չեն տալիս ռուս խաղաղապահներին ու մեր ներկայացուցիչներին մոտենալ խողովակին ու վերականգնել գազամատակարարումը: Ռուս խաղաղապահների միջոցով շարունակում ենք բանակցությունները՝ խնդիրների խաղաղ կարգավորման նպատակով: Միևնույն ժամանակ նախազգուշական քայլեր ենք ձեռնարկում մեր բնակչության անվտանգությունն ապահովելու համար:

Ադրբեջանը պետք է շտապ դադարեցնի Արցախի խաղաղ բնակչության դեմ ցուցաբերվող սանձարձակ պահվածքը»,- նշել է Արտակ Բեգլարյանը։

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Հաստատվել է կորոնավիրուսային հիվանդության 128 նոր դեպք

Հաջորդը

ՌԴ-ն Հայաստանի համար չեղարկել է օդային հաղորդակցության կորոնավիրուսային սահմանափակումները

Առնչվող նյութեր
Դիտել

Խորհրդարանական ընդդիմությունն անվտանգային հարցերի վերաբերյալ քննարկում է կազմակերպել

ԱԺ «Հայաստան» և «Պատիվ ունեմ» խմբակցություններն այսօր «Հայաստան-Արցախ․ անվտանգային ահագնացող սպառնալիքներ» թեմայով քննարկում են կազմակերպել։ ՀՅԴ ԳՄ ներկայացուցիչ…
Դիտել

Բաքուն Երևանի դիմումը ՀԱՊԿ-ին համարում է սահմանին իրավիճակի քաղաքականացում

Ադրբեջանի ԱԳՆ-ն երկու երկրների սահմանին տիրող իրավիճակի հետ կապված ՝ Հայաստանի ղեկավարության դիմումը Հավաքական անվտանգության պայմանագրի կազմակերպությանը (ՀԱՊԿ)…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share