Անհրաժեշտություն կա, որ նոր թափ հաղորդվի Մինսկի խմբի համանախագահությանը՝ ԱՄՆ, Ֆրանսիա և Ռուսաստանի Դաշնություն։ Նաև Արտաքին հարցերի և զինված ուժերի հանձնաժողովի պարտականությունն է այս հարցով զբաղվել։ Այս մասին այսօր Երեւանում հայտարարեց, Ֆրանսիայի Սենատի նախագահ Ժերար Լարշենը։
Ըստ նրա այստեղ նաև օրենսդիրն իր խոսքն ունի ասելու, ոչ միայն Ֆրանսիայի, այլ նաև ԵՄ անդամ մյուս երկրների։
«2022-ի առաջին կիսամյակում Եվրամիության նախագահությունն ստանձնում է Ֆրանսիան։ Հարկ է նշել, որ մենք նախատեսում ենք այդ ժամանակ Սենատում կազմակերպել համաժողով՝ անվտանգությանն ուղղված։ Այսինքն՝ հստակ է ամեն ինչ»,- ասաց Ֆրանսիայի Սենատի նախագահ Ժերար Լարշենը։
Ֆրանսիայի Սենատի նախագահը նաեւ նշեց, որ Ադրբեջանը պարտավոր է անհապաղ ազատ արձակել բոլոր հայ ռազմագերիներին՝ համաձայն ստորագրած փաստաթղթի և բոլոր միջազգային պայմանագրերի։
«Այս շաբաթ ԵԽԽՎ նիստում քննարկվեց հայ ռազմագերիների հարցը, և Սենատի անունից այդ պահանջը եղավ»,- ասաց նա։