Ադրբեջանի պետական սահմանային ծառայությունը հայտնել է, որ չորեքշաբթի երեկոյան հրաձգությամբ միջադեպ է տեղի ունեցել Հայաստանի հետ սահմանի շրջանում գտնվող հայկական տարածքում, հաղորդում է РИА Новости-ն:
«Ադրբեջանա-հայկական սահմանի Զանգիլանի շրջանի Սեյիդլյար գյուղում տեղակայված պետական սահմանային ծառայության ստորաբաժանումները, ինչպես նաև այդ տարածքում գտնվող Ռուսաստանի Դաշնության Անվտանգության դաշնային ծառայության սահմանապահ ծառայության դիրքերը գնդակոծության են ենթարկվել», – ասվում է հաղորդագրության մեջ:
Դրանում նշվում է, որ «միջադեպի կապակցությամբ ռուս սահմանապահները դիմել են իրենց ադրբեջանցի գործընկերներին՝ նշելով, որ հանցագործները հարբած են եղել և խնդրել չարձագանքել միջադեպին»:
«Հաշվի առնելով ռուսական կողմի կոչը՝ ադրբեջանցի սահմանապահները զսպվածություն են ցուցաբերել և չեն պատասխանել», – ասվում է հաղորդագրության մեջ: