«Քաղաքացիական պայմանագիր» խմբակցությունը նախագահի թեկնածու է առաջադրել ՀՀ Բարձր տեխնոլոգիական արդյունաբերության նախարար Վահագն Խաչատուրյանին: Այս մասին այսօր լրագրողների հետ զրույցում հայտնել է Ազգային ժողովի նախագահ, ՀՀ նախագահի պաշտոնակատար Ալեն Սիմոնյանը:
Ալեն Սիմոնյանը նշել է նաեւ, որ այլ թեկնածուների անուններ ևս քննարկվել են։
«Շատ երկար է եղել քննարկումը, շատ տարբեր փաստարկներ են բերվել։ Եվ երկար քննարկումներից հետո այս որշումը կայացրեցինք։ Հիմա դժվար է երկու բառով ասել, թե ինչու հենց իրեն։ Ես անձամբ գիտեմ, որ շատ լավ թեկնածու ենք ընտրել, ով իր անցած ճանապարհով, իր պարկեշտությամբ շատ համապատասխանում է և բավական լավ կիրականացնի իր պարտականությունները։ Ես գիտեմ, որ մենք լավ ընտրություն ենք կատարել»,- ասել է Ալեն Սիմոնյանը։
Ալեն Սիմոնյանը նաեւ հայտնել է, որ իր թեկնածությունը ևս առաջադրվել է նախագահի պաշտոնի համար:
«Ինչ վերաբերում է իմ թեկնածությանը, ես ինքնաբացարկ եմ հայտնել»,- նշել է Ալեն Սիմոնյանը։
