Ինչպես հաղորդում է «Reuters» գործակալությունը՝ Պենտագոնի մամուլի քարտուղար Պատրիկ Ռայդերը մեկնաբանելով իրանական Սպահան քաղաքի ռազմական գործարանի վրա անօդաչուների հարձակման թեման հայտարարել է, որ Ամերիկացի զինվորականները չեն մասնակցել Իրանում հարվածներ հասցնելուն։
Հիշեցնենք, ոհունվարի 28-ին՝ երեկոյան ժամը 23։30-ին, անօդաչու թռչող սարքերով հարձակում է իրագործվել իրանական զինամթերքի գործարանի վրա։ Ըստ Իրանի պաշտպանության նախարարության՝ հարձակումը ձախողվել է. ԱԹՍ-ներից մեկը խոցվել է ՀՕՊ համակարգի կողմից, իսկ մյուս երկուսը հայտնվել են պաշտպանական ծուղակներում և պայթել: Դեպքի հետևանքով տուժածներ չկան, թեթև վնասվել է գործարանի տանիքը։
