Հայաստանում ԱՄՆ դեսպան Լին Թրեյսին հանդիպել է փոխվարչապետ Սուրեն Պապիկյանի հետ՝ շնորհավորելու նոր պաշտոնի ստանձնման կապակցությամբ։ Այս մասին տեղեկացնում է ԱՄՆ դեսպանատունը։
Հայաստանի անկախության և հայ-ամերիկյան հարաբերությունների 30-ամյա հոբելյանների համատեքստում դեսպան Թրեյսին ընդգծել է, որ Միացյալ Նահանգները հանձնառու է ամրապնդել Հայաստանի հետ գործընկերությունը, որի հիմքում ընդհանուր ժողովրդավարական արժեքներն են։