ՄԱԿ-ի արդարադատության միջազգային դատարանում Հայաստանի ներկայացուցիչ Եղիշե Կիրակոսյանը ներկայացրել է Հայաստանի միջանկյալ պահանջները Ադրբեջանի նկատմամբ։
Ռասայական խտրականության վերացման կոմիտեի վարույթի շրջանակներում Ադրբեջանի դեմ Հայաստանի ներկայացրած հայցի լսումների ժամանակ Եղիշե Կիրակոսյանը նշել է, որ Հայաստանը խնդրում է դատարանին պարտադրել հետևյալ միջանկյալ միջոցները նախքան այս գործով վճիռ կայացնելը:
«Ադրբեջանը պետք է դադարեցնի իր կազմակերպումն ու օժանդակությունը, այսպես կոչված, բողոքների ցույցերին, որոնք խաթարում են ազատ տեղաշարժը Լաչինի միջանցքով՝ երկու ուղղությամբ: Ադրբեջանը պետք է երաշխավորի Լաչինի միջանցքով բոլոր անձանց, բեռների և տրանսպորտային միջոցների անխափան տեղաշարժը՝ երկու ուղղությամբ: Ադրբեջանը անմիջապես պետք է լիովին վերականգնի և ձեռնպահ մնա խաթարելուց կամ խանգարելուց բնական գազի կամ այլ հանրային ծառայությունների մատակարարումը ԼՂ»,- նշել է Կիրակոսյանը։
Եղիշե Կիրակոսյանը նշել է, որ ավելի քան մեկ ամիս առաջ Մարդու իրավունքների դատարանը դիմել էր լուծել խնդիրը, բայք Ադրբեջանում նրանց հրահանգը նույնպես չկատարեցին։
«Եթե այս հարցը չլուծվի, Արցախի ժողովուրդը սպիպված լքելու է իր պապենական հողերը։ Այս դատարանը վերջին հույսն է Լեռնային Ղարաբաղի բնակչության համար,- նշել է Կիրակոսյանը։