Հայաստանի Հանրապետությունում ԱՄՆ դեսպան Լին Թրեյսին Աշտարակի բժշկական կենտրոնում Միացյալ Նահանգներից ժամանած բժիշկների պատվիրակության հետ միասին մասնակցել է ռենտգեն սարքավորման նվիրաբերության արարողությանը։ Այս մասին տեղեկացնում է ԱՄՆ դեսպանատունը։
Այս սարքավորման տրամադրումը և Միացյալ Նահանգներից կամավորական հիմունքներով ժամանած բժշկական պատվիրակության այցը վկայում են հայ և ամերիկացի ժողովուրդների սերտ կապերի մասին և ընդգծում հայ-ամերիկյան հարաբերությունների ամրությունը։
