ՀՀ էկոնոմիկայի նախարար Վահան Քերոբյանը հայտարարել է, թե արտադրական կանեփով շատ ներդրողներ էին հետաքրքրված, բայց միջավայրը գրավիչ չէ։
Նրա խոսքով՝ երկու տարի առաջ, երբ այս թեման դեռ քննարկվում էր և այդ փուլում էր, ներդրողները շատ էին։
«Առողջապահության նախարարության գլխավոր առաքելությունը մարդկանց առողջությամբ զբաղվելն է, իսկ էկոնոմիկայի առաքելությունը՝ տնտեսությամբ։ Եվ սա էլ պետք է լինի տնտեսական ծրագիր, բայց այն ժամանակ քաղաքական որոշում կար, որ սա առողջապահական վերահսկողությամբ պետք է լինի, իսկ այն, ինչն ի սկզբանե վերահսկման ենթակա է, դատապարտված է ձախողման։ Կարծում եմ՝ ԱԺ գործընկերներն էլ համաձայն չեն այսօրվա միջավայրի հետ։ Մեր կարծիքով՝ աշխատող բիզնես մոդելը լրիվ այլ տեսք ունի»,- ասել է նա՝ լրագրողների հետ զրույցում։