Տեղի է ունենալու վարչապետի հրաժարական, որից հետո ԱԺ-ն երկու անգամ վարչապետ չի ընտրելու եւ իրավունքի ուժով ԱԺ-ն արձակվելու է։ Այս մաիսն ազգային ժողովում հայտարարել է վարչապետ Նիկոլ Փաշինյանը։ Նա նաեւ նշել է, որ արտահերթ ընտրությունները պետք է անցկացվեն համամասնական ընտրակարգով։
«Ընտրական օրենսգրքի ընտրակարգը պայմանավորվածությունների մաս չի եղել, բայց ես բոլոր քննարկումներում հարց եմ ուղղել մեր գործընկերներին, այդ թվում՝ խորհրդարանական, թե իրենք ինչ կարծիքի են ընտրակարգի վերաբերյալ։ Այսինքն՝ ռեյտինգային ընտրակարգը լինի՞, թե չլինի։ Մեր խոսակցությունների ժամանակ ըստ էության արձանագրել ենք, որ և ԲՀԿ, և ԼՀԿ խմբակցություններն այս հարցի վերաբերյալ իրենք թողնում են խորհրդարանական մեծամասնության հայեցողությանը։ Այսինքն՝ իրենք խնդիր չունեն՝ վարկանիշայինը լինի, թե չլինի։ Դրանից հետո խորհրդարանական մեծամասնությունը, քննարկումներ ունենալով արտախորհրդարանական ուժերի հետ, քաղաքացիական հասարակության ներկայացուցիչների հետ, որոշում է կայացրել, որ մենք պետք է գնանք Ընտրական օրենսգրքի պարզ փոփոխությունների, որ ընտրություններն իրականացվեն համամասնական ընտրակարգով, այսինքն՝ առանց վարկանիշային ընտրացուցակի»,- նշեց վարչպետը։