Ռուսաստանի դաշնության ՊՆ մարդասիրական ականազերծման վաշտը շարունակում է Արցախի տարածքի ականազերծման աշխատանքները, այս մասին հայտնում է է ՌԴ ՊՆ-ն:
Մարտակերտում ռուս սակրավորները վնասազերծել են 152 մմ-անոց 12 բեկորաֆուգասային հրետանային արկ:
2020 թվականի նոյեմբերի 23-ից՝ չպայթած զինամթերքից մաքրվել է 1690 հա տարածք, 525 կմ ճանապարհ, 1613 բնակարանային շինություն, այդ թվում՝ 30 սոցիալական նշանակության օբյեկտ, հայտնաբերվել և վնասազերծվել է 25 237 պայթյունավտանգ առարկա:
Հայտնաբերված առարկաները ոչնչացվում են հատուկ սարքավորված «Բալիջա» զորավարժարանում: Այն զինամթերքը, որը հնարավոր չէր տարհանել, ոչնչացվում է տեղում: