Ռուս սակրավորները շարունակում են Արցախի տարածքում հայտնաբերված պայթյունավտանգ առարկաների ոչնչացման աշխատանքները, հայտնում է ՌԴ ՊՆ-ն:
Աշխատանքներն ամենօրյա են և իրականացվում են Բալիջա հատուկ զորավարժարանում: Անձնակազմն յուրաքանչյուր օր ոչնչացնում են շուրջ 120 պայթյունավտանգ առարկա, ներառյալ ականներ և տարբեր տրամաչափի հրետանային արկեր:
Նախօրեին ռուս սակրավորների կողմից ոչնչացված զինամթերք է հայտնաբերվել Մարտակերտի շրջանի ականազերծման ժամանակ:
2020-ի նոյեմբերի 23-ից Արցախում չպայթած զինամթերքից մաքրվել է 2115 հեկտար տարածք, ավելի քան 656 կիլոմետր ճանապարհ, սակրավորները ստուգել են 1832 շենք: Հայտնաբերվել և վնասազերծվել է 25 611 պայթյունավտանգ առարկա: Մարդասիրական ականազերծման ստորաբաժանման շուրջ 10 զինծառայող է ամեն օր ներգրավված ականազերծման աշխատանքներին: