Ռուս խաղաղապահներն Արցախում անցկացրել են «Ընտանիքի պատմություն՝ Հաղթանակի պատմություն» ակցիան՝ նվիրված Հայրենական մեծ պատերազմում Հաղթանակի 76-ամյակին: Ինչպես հայտնում է ՌԴ ՊՆ-ից, այն մեկնարկել է Ասկերան շրջանի Խանաբադ գյուղից 104 զինծառայողների հուշարձանի մոտ: Նրանք 1941-1945 թվականներին զոհվելեն ռազմաճակատում նացիստական կոալիցիայի դեմ մարտերում:
«Ուսուցիչների հետ միասին խաղաղապահները պարբերաբար կհանդիպեն դպրոցականների և ուսանողների հետ և կպատմեն նրանց 1941-1945 թվականների պատերազմի հերոսների սխրանքների մասին», – ասված է ՌԴ ՊՆ հայտարարության մեջ:
Խաղաղապահները՝ համագործակցելով Մարդակերտի, Մարտունու և Ասկերանի շրջանների վարչակազմերի հետ, նաև նախաձեռնել են Արցախից ռազմաճակատ մեկնած և Հայրենական մեծ պխատերազմում զոհված զինվորների հուշարձանների բարեկարգում:
Այս ակցիաները կտևեն մինչև մայիսի 9-ը: