Արցախում ռուսխաղաղապահ զորախմբի տեղակայման հիմնական կետի խոհարարները նախապատրաստվում են Քրիստոսի հարության տոնին: Զատկի նախօրեին զինվորական անձնակազմի համար պատրաստվել և օծվել են կուլիչներ ( Զատկի ավանդական թխվածքը) և Զատկի հավկիթներ, փոխանցում է ՌԴ ՊՆ-ն:
Խաղաղապահների հրամանատարի օգնական հոգևոր հայր Բորիս Գրիշինն անցկացրել է կուլիչնրի օրհնության արարողություն: Ընդհանուր առմամբ, ռուս խաղաղապահների համար Զատկի տոնի նախօրեին խոհարարները պատրաստելու են շուրջ 2000 կուլիչ:
Դրանք առաքվելու են բոլոր 27 դիտակետերին, որոնք տեղակայված են ինչպես Լաչինի միջանցքում, այնպես էլ Արցախի սահմանազատման ամբողջ գծի երկայնքով, նաև օրվա ընթացքում կզարդարեն տոնական սեղանը:
