Միացյալ Նահանգները, որպես ԵԱՀԿ Մինսկի խմբի համանախագահ երկիր, հավատարիմ է մնում աջակցել Ղարաբաղում հակամարտության երկարաժամկետ քաղաքական կարգավորման բանակցություններին, հայտարարել է նախագահ Ջո Բայդենը՝ անդրբեջանցի գործընկեր Իլհամ Ալիևին, գալիք ազգային տոնի՝ Հանրապետության օրվա կապակցությամբ, ուղված շնորհավորական ուղերձում։ Այս մասին աղորդում է Ադրբեջանի նախագահի պաշտոնական կայքը:
«Այս տարի լրանում է 1991 թվականին Ադրբեջանի անկախության վերականգնման 30-ամյակը: ԱՄՆ-ը և Ադրբեջանն այս ընթացքում միասին աշխատել են անվտանգության, էներգետիկայի և ժողովրդավարական կառավարման հարցերի շուրջ: Միացյալ Նահանգները, որպես ԵԱՀԿ Մինսկի խմբի համանախագահ երկիր, հավատարիմ է մնում աջակցել Ղարաբաղում հակամարտության երկարաժամկետ քաղաքական կարգավորման բանակցություններին», – շնորհավորական ուղերձում նշել է Բայդենը՝ ընդգծելով, որ իր երկիրը վճռականորեն սատարում են Ադրբեջանի ավանդը Եվրոպայի էներգետիկ դիվերսիֆիկացման գործում անցյալ տարի Հարավային գազային միջանցքի գործարկումով և այս տարի Թուրքմենստանի հետ կասպյան հանքավայրի համատեղ հետախուզման և զարգացման վերաբերյալ ստորագրված փոխըմբռնման հուշագրով:
«Մենք շնորհակալ ենք Ադրբեջանին Աֆղանստանում ՆԱՏՕ-ի առաքելությանը 20 տարվա աջակցության և ահաբեկչության դեմ պայքարի ջանքերի համար»,- ասված է շնորհավորական ուղերձում:
