Ադրբեջանը Հայաստանին է փոխանցել խաղաղության պայմանագրի ընդլայնված տարրերը, հայկական կողմը ժամանակ է խնդրել դրանց ծանոթանալու համար։ Այս մասին հայտարարել է Ադրբեջանի արտգործնախարար Ջեյհուն Բայրամովը։
Ինչպես հաղորդում է Interfax-Azerbaijan-ը, Բայրամովը նշել է, որ ընդլայնված տարրերը լրացնում են ադրբեջանական կողմի նախկինում ներկայացված հինգ հիմնական սկզբունքները, որոնք պետք է դառնան խաղաղության պայմանագրի և հարաբերությունների կարգավորման հիմքը:
Բայրամովը հավելել է, որ հոկտեմբերին Բրյուսելում (Բելգիա) նախատեսվում է անցկացնել Ադրբեջանի և Հայաստանի միջև պետական սահմանի սահմանազատման հանձնաժողովի երրորդ նիստը։