РИА Новости-ն տեղեկացնում է, որ Ադրբեջանի ԱԳ նախարար Ջեյհուն Բայրամովը հայտարարել է Երևանի հետ հարաբերությունների կարգավորման Բաքվի պատրաստակամության մասին։ Ըստ բայրամովի Ադրբեջանը պատրաստ է աշխատել այդ ուղղությամբ:
«Կցանկանայի ասել՝ մենք կարծում ենք, որ սա եզակի իրավիճակ է: Ադրբեջանը կատարել է ՄԱԿ-ի Անվտանգության խորհրդի համապատասխան բանաձևերը և վերականգնել իր տարածքային ամբողջականությունը: Իրավիճակը, երբ չկա օկուպացիայի փաստ, եզակի է: Ադրբեջանը պատրաստ է կարգավորել հարաբերությունները Հայաստանի հետ, պատրաստ է աշխատել այս ուղղությամբ», – Բաքվում Ռուսաստանի ԱԳ նախարար Սերգեյ Լավրովի հետ համատեղ ասուլիսում հայտարարել է Ադրբեջանի արտգործնախարարը:
Բայրամովի խոսքով Հայաստանի եւ Ադրբեջանի հարաբերությունների կարգավորումը պետք է հիմնված լինի միջազգային իրավունքի նորմերի վրա:
«Տարածքային ամբողջականության հարգանքի և սահմանների անձեռնմխելիության սկզբունքը երկկողմ հարաբերությունների երաշխիք է: Մենք վստահ ենք, որ դա տեղի կունենա ապագայում», – ասել է Բայրամովը
