Ադրբեջանի արտգործնախարար Ջեյհուն Բայրամովը հեռախոսազրույց է ունեցել ԵՄ արտաքին գործերի ու անվտանգության քաղաքականության հարցերով Բարձր ներկայացուցիչ Ժոզեպ Բորելի հետ։
Կողմերը քննարկել են տարածաշրջանում տիրող իրավիճակը և Հայաստանի հետ սահմանին առաջացած լարվածությունը։
Բորելը մտահոգություն է հայտնել առաջացած լարվածության կապակցությամբ և նշել, որ կարևոր է շարունակել բանակցություններն Ադրբեջանի և Հայաստանի ղեկավարների հետ՝ Եվրոպական խորհրդի ղեկավարի միջնորդությամբ։
Զրույցի ընթացքում նշվել է, որ Հարավային Կովկասում ԵՄ հատուկ ներկայացուցիչ Տոյվո Կլաարը մտադիր է սեպտեմբերի 14-ին այցելել տարածաշրջան։