ՀՀ Գլխավոր դատախազ Արթուր Դավթյանը Դատախազության շենքի դիմաց զրուցել է 44-օրյա պատերազմում զոհված զինվորների հարազատների հետ, որոնք ակցիա էին իրականացնում Դատախազության մոտ:
Նրանք Գլխավոր դատախազից պահանջում են պատժել Նիկոլ Փաշինյանին իր հայտարարության համար, որ կարող էին պատերազմն ավելի վաղ դադարեցնել և կլիներ նույն արդյունքը՝ առանց զոհերի:
Դատախազն առաջարկեց, որ ծնողներից 10 հոգու հետ հանդիպեն, հանգիստ իրավիճակում խոսեն, նման պայմաններում անհնար է ստանալ հարցերի պատասխանները, ծնողները, սակայն, համաձայն չէին և շարունակեցին պահանջել պատասխանատվության ենթարկել Նիկոլ Փաշինյանին։