Աֆղանստանից Տաջիկստանի վրա հարձակման դեպքում այդ հարցը անմիջապես կքննարկվի ՀԱՊԿ-ի կողմից, հինգշաբթի օրը հայտարարել է ՌԴ արտաքին գործերի նախարար Սերգեյ Լավրովը:
«Մենք Տաջիկստանի հետ դաշնակիցներ ենք: Եվ եթե Տաջիկստանի վրա հարձակում լինի, իհարկե, դա անմիջապես քննարկման առարկա կդառնա ՀԱՊԿ-ում», – ասել է Լավրովը։
Լավրովը հիշեցրել է, որ ՀԱՊԿ քարտուղարության ներկայացուցիչներն այցելել են Տաջիկստան-Աֆղանստան սահման, իսկ իրավիճակը քննարկվել է մշտական խորհրդի նիստում:
«Ես ինչ-որ տեղ կարդացել եմ կամ հեռուստատեսությամբ լսել եմ, թե արդյոք մենք զորքեր կուղարկենք Աֆղանստան. Կարծում եմ, որ պատասխանն ակնհայտ է», – ընդգծել է ՌԴ ԱԳ նախարարը:
