Դեկտեմբերի 9-ին ՀՀ-ում ԱՄՆ դեսպան Լին Թրեյսին, ԵՊՀ ռեկտորի պաշտոնակատար Հովհաննես Հովհաննիսյանի հետ մաանկացել է ամերիկյան հետազոտությունների կենտրոնի բացմանը եւ ԵՊՀ-ում «Ամերիկագիտություն» առաջին մագիստրոսական կրթական ծրագրի պաշտոնական մեկնարկին նվիրված միջոցառմանը։
2019-ին դրամաշնորհ ստանալով ԱՄՆ դեսպանության հանրային դիվանագիտության գրասենյակից, ԵՊՀ-ն ձեռնամուխ եղավ ամերիկյան հետազոտությունների կենտրոնի եւ «Ամերիկագիտություն» մագիստրոսական կրթական ծրագրի ձեւավորման աշխատանքներին։
«Այս մագիստրոսական կրթական ծրագիրը հայ ուսանողներին հնարավորություն է տալիս այստեղ՝ Հայաստանում, ուսումնասիրել ԱՄՆ արտաքին քաղաքականությունը, դիվանագիտությունը, տնտեսությունը, հասարակությունը, եւ արդյունքում նրանք ձեռք են բերում այնպիսի հմտություններ, որոնց շնորհիվ կարողանում են առավել լավ պատկերացնել ու հայ հասարակությանը պարզաբանել ամերիկյան հասարակաքաղաքական իրողությունները»,-ասաց դեսպան Թրեյսին։