Այսօր Երևանում կայացել է պաշտոնական այցով Հայաստանում գտնվող Եվրոպայի Խորհրդի Գլխավոր քարտուղար Մարիա Պեյչինովիչ Բուրիչի հանդիպումը Հայաստանի արտաքին գործերի նախարար Արարատ Միրզոյանի հետ: Հայաստանի արտաքին գործերի նախարարությունում տեղի է ունեցել արտաքին գործերի նախարար Արարատ Միրզոյանի և Եվրոպայի Խորհրդի Գլխավոր քարտուղար Մարիա Պեյչինովիչ Բուրիչի առանձնազրույցը, որին հաջորդել է պատվիրակությունների մասնակցությամբ ընդլայնված ձևաչափով հանդիպումը:
Եվրոպայի խորհուրդը Հայաստանի հիմնական գործընկերներից է՝ մարդու իրավունքների, ժողովրդավարության և իրավունքի գերակայության ոլորտներում բարեփոխումների իրականացման գործում: Եվրոպայի Խորհրդի Գլխավոր քարտուղար Մարիա Պեյչինովիչ Բուրիչի հետ հանդիպումից հետո հայտարարեց Հայաստանի արատքին գործերի նախարար Արարատ Միզրոյանը: Հայաստանը բարձր է գնահատում Եվրոպայի խորհրդի աջակցությունը Հայաստանի ժողովրդավարցման զարգացմանը, ընդգծեց Արարատ միրզոյանը, ով վստահ է, որ կշարունակեն եվրոպական կազմակերպության հետ արդյունավետ աշխատանքը:
«2018 թվականին Հայաստանի ժողովուրդը՝ միասնական ընտրել և 2021 թվականին վերահաստատել է ժողովրդավարացման զարգացման, ժողովրդավարական ինստիտուտների ամրապնդման, մարդու իրավունքների պաշտպանության, իրավունքի գերակայության ապահովման և կլոռուպցիայի դեմ անհաշտ պայքարի ուղին և չի շեղվելու դրանից»,- նշեց ՀՀ ԱԳ նախարար Արարատ Միրզոյանը:
Հանդիպման ընթացքում անդրադարձ է եղել նաև Արցախի հակամարտությանը: Արարատ Միրզոյանը եվրոպացի բարձրաստիճան հյուրին հայտնել է, որ Արցախի դեմ սանձազերծած պատերազմով և Հայաստանի ինքնիշխան տարածք ներխուժելով Ադրբեջանը կոպտորեն խախտել է Եվրոպայի խորհրդին անդամակցության իր իսկ ստանձնաց պարտավարությունները և այդ հանգամանքը պետք է համարժեք արձագանք ստանա Եվրոպայի Խորհրդի և անդամ երկրների կողմից: