Ֆուտբոլի Եվրոպայի առաջնության երկրորդ տուրում C խմբից միմյանց դեմ մրցեցին Նիդերլանդները և Ավստրիան:
Ամստերդամի Յոհան Կրոյֆի անվան մարզադաշտում կայացած խաղում հաղթեց Նիդերլանդների հավաքականը։ Առաջին խաղակեսում 11 մետրանոց հարվածը դիպուկ իրացրեց Դեպայը: Իսկ երկրորդ կեսի 67-րդ րոպեին Դումֆրիսը խփեց երկրորդ գոլը:
Երրորդ տուրում Ավստրիան կմրցի Ուկրաինայի, իսկ Նիդերլանդները` Հյուսիսային Մակեդոնիայի հետ: Խաղերը կկայանան հունիսի 21-ին: