Մեկ տարվա դադարից հետո մեծ ֆուտբոլն այսօր վերադարձավ։ Կորոնավիրուսի համավարակի պատճառով ուղիղ մեկ տարի հետաձգված Եվրո-2020-ը այսօր վերջապես մեկնարկեց։
Ֆուտբոլային հեղինակավոր մրցաշարը մեկնարկեց Հռոմում, որտեղ ուժերը չափեցին Իտալիայի եւ Թուրքիայի հավաքականները։
Իտալացիները հաղթեցին թուրքերին 3:0 հաշվով։
Բացի Հռոմից Եվրո-2020-ի հանդիպումները կանցկավեն եւս տասը քաղաքներում՝ Գլասգոյում, Ամստերդամում, Բուխարեստում, Բուդապեշտում, Բաքվում, Կոպենհագենում, Մյունխենում, Սեւիլիայում, Սանկտ Պետերբուրգում եւ եզրափակիչը՝ Լոնդոնում հուլիսի 11-ին:
Ֆուտբոլի Եվրոպայի առաջնությանը մասնակցում է 24 հավաքական: Մրցաշարի բոլոր 51 հանդիպումների ժամանակ կթույլատրվի սահմանափակ թվով երկրպագուների մուտքը մարզադաշտ։
