Փոշու պարունակությունը գերազանցել է սահմանային թույլատրելի կոնցենտրացիան Երեւանի Կենտրոն վարչական շրջանում ամբողջ շաբաթվա ընթացքում, Արաբկիրում` դեկտեմբերի 17-19-ը, Նոր Նորքում՝ դեկտեմբերի 16-ին և 22-ին: Այս մասին հայտնում են Հիդրոօդերևութաբանության և մոնիթորինգի կենտրոնը:
Ազոտի երկօքսիդի պարունակությունը գերազանցել է սահմանային թույլատրելի կոնցենտրացիան Կենտրոն վարչական շրջանում դեկտեմբերի 16-ին, 17-ին և 21-ին։
Ծծմբի երկօքսիդի պարունակությունը չի գերազանցել համապատասխան սահմանային թույլատրելի կոնցենտրացիան:
Կենտրոնից նաեւ տեղեկացնում են, որ մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան Վանաձորում` դեկտեմբերի 17-ին, Հրազդանում` դեկտեմբերի 15-17-ը։