Զինծառայողների ապահովագրության հիմնադրամը նշել է ստեղծման հնգամյակը։ Միջոցառման ընթացքում ամփոփվեց 5 տարիների ընթացքում կատարված աշխատանքն ու 44-օրյա պատերազմից հետո ԶԱՀ-ի առջև ծառացած խնդիրները, կատարված հատուցումները, ինչպես նաև ներկայացվեց ապագայի տեսլականը։
Հիմնադրամն անկախ կառույց է, որը ստեղծվել է 2017 թվականին ապրիլյան քառօրյայից հետո հայրենիքի սահմանները պաշտպանելիս զոհված, անհայտ կորած զինվորների ընտանիքների, նաև զինհաշմանդամության 1-ին և 2-րդ կարգ ձեռք բերած զինվորների սոցիալական բարօրության, կայուն և հավասար ապահովագրական հատուցումներ տրամադրելու նպատակով:
ԶԱՀ-ի միջոցները գոյանում են Հայաստանում ու Արցախում եկամուտ ստացող անձանց ամսական պարտադիր վճարներից, նաև կամավոր նվիրաբերություններից, որոնք ստանում ենք աշխարհասփյուռ հայությունից։
Ստեղծման օրվանից ի վեր հիմնադրամը հավաքագրել է 65 մլրդ դրամ, որից ավելի քան 45 մլրդ դրամը հատուցել է։ Հիմնադրամի շահառուների թիվը 4689 է, նրանց մեծ մասը 2020 թվականի պատեարզմի ընթացքում եւ դրանից հետո զոհված եւ զինհաշմանդամության 1-ին և 2-րդ կարգ ձեռք բերած զինծառայողներն են։